პროექტი „წიგნების თაობა” არასრულწლოვანთა დაწესებულებაში

ბაკურ სულაკაურის გამომცემლობის პროექტ „წიგნების თაობის“ მონაწილე სტუდენტთა ჯგუფის ინიციატივით და სასჯელაღსრულების, პრობაციისა და იურიდიული დახმარების საკითხთა სამინისტროს ხელშეწყობით სს „ნიკორამ“ არასრულწლოვანთა დაწესებულებას სხვადასხვა ჟანრის წიგნები გადასცა.

მსჯავრდებულებს ასევე შეხვდნენ მწერლები დავით-დეფი გოგიბედაშვილი და ზაალ ჩხეიძე, რომლებმაც მოზარდებისთვის საინტერესო თემებზე ისაუბრეს.

აქცია არასრულწლოვან მსჯავრდებულთა განათლების დონის ამაღლების ხელშეწყობას ემსახურებოდა.

არასრულწლოვანთა დაწესებულებაში, სამინისტროს ხელშეწყობით, მსგავსი ღონისძიებები სისტემატურად იმართება, რაც მსჯავრდებულთა რეაბილიტაციას ისახავს მიზნად.

ეს არის სასჯელაღსრულების და პრობაციის სამინისტროს ოფიციალურ ვებგვერდზე გამოქვეყნებული ოფიციალური პრეს–რელიზი. დაგვეთანხმებით, რომ ნებისმიერი წიგნების თაროს სჭირდება გამუდმებული განახლება და შევსება, რადგანაც ჩვენი ჯგუფის სახელწოდებაა "თარო", გადავწყვიტეთ სიმბოლური იქნებოდა არასრულწლოვანი პატიმრებისათვის შეგვევსო ბიბლიოთეკის თარო. როგორც აღმოჩნდა, მათ არც თუ ისე მრავალფეროვანი ბიბლიოთეკა ჰქონიათ. ჩვენს მიერ შეტანილი "ბაკურ სულაკაურის" გამომცემლობის წიგნები ხელს შეუწყობს მათ, როგორ მკითხველის ზრდასა და ჩამოყალიბებას და დაეხმარება სასჯელის მოხდის შემდეგ საზოგადოებასთან ადაპტაციასა და თვითრეალიზაციაში.

‎მოკლედ "თარომ" არასრულწლოვან პატიმრებს თარო წიგნებით შეუვსო. უღრმესი მადლობა "ნიკორას", სასჯელაღსრულების და პრობაციის სამინისტროს და "ბაკურ სულაკაურის გამომცემლობას" თანადგომისთვის.

განსაკუთრებულად დიდი მადლობა დავით დეფის და ზაალ ჩხეიძეს

17 მაისს ჯგუფი თარო სამხატვრო აკადემიას ეწვია. დაგეგმილი იყო პერფორმანსი, რომლის მიხედვითაც  სტუდენტებს უნდა შეერჩიათ ბაკურ სულაკაურის გამომცემლობის მიერ გამოშვებული ნებისმიერი ლიტერატურული ნაწარმოები და შეექმნათ ჩანახატი. ლექტორების დახმარებით და ჩვენი მოკრძალებული შეფასებებით კი საუკეთესო ორი ნაშრომის ავტორს გადაეცემოდა წიგნები. წიგნს თითოეული მკითხველი ინდივიდუალურად აღიქვამს და ალბათ საინტერესო იქნებოდა ხელოვნებასათან ასე მჭიდრო კავშირში მყოფი ბავშვების ფურცელზე გადმოტანილი ხედვის გაცნობა.

აკადემიის ლექტორები ინფორმირებულები იყვნენ და ჩვენც შესაბამისად  დაპირებული წიგნებით, ვატმანის ფურცლებითა და ფანქრებით მივადექით სასურველ სართულს. ერთ–ერთ აუდიტორიაში აღნიშნულ ღონისძიებასთან დაკავშირებით შეკრებილი  აკადემიის სტუდენტები დაგვხვდნენ. ღონისძიება იმაზე მეტად უცნაური გამოვიდა ვიდრე ამას თაროელები ელოდნენ. 

გუშინ, 13 მაისს ონლაინ მაღაზია e-store.ge–ს facebook–ის გვერდზე, როემლიც საკმაოდ დიდი პოპულარობით სარგებლობს აღნიშნული სოციალური ქსელის მომხმარებლებს შორის გამიართა ვიქტორინა, რომელშიც გათამაშდა "ბაკურ სულაკაურის გამომცემლობის" მიერ გამოცემული ბესტსელერი – სიუზენ კოლინზის "შიმშილის თამაშები".
შეკითხვა გახლდათ ასეთი:

facebook მომხმარებელმა საკმაოდ დიდი ინტერესი გამოიჩინა. დიდი იყო გამოხმაურება. შეკითხვაზე სწორი პასუხის გაცემას 62 მომხმარებელი შეეცადა, თუმცა ეს პირველმა გიორგი ბერიძემ მოახერხა.

ვულოცავთ მას ამ შესანიშნავი პრიზის მოგებას, მკითხველს კი სამომავლოდ კიდევ უფრო მეტ საინტერესო სიურპრიზებს ვპირდებით – რაღა თქმა უნდა "ბაკურ სულაკაურის გამომცემლობასთან" ერთად.